香港線上遊戲地帶

版權及免責聲明 · COPYRIGHT & DISCLAIMER

一、本站係咩

本站係一個非官方嘅香港網頁遊戲索引，由網友自發整理，站長 Cyrus Chu。目的只有一個：把散落喺唔同角落嘅香港製網頁遊戲集中埋一齊，方便人搵到、玩到。

站名同版面嘅 2002 年代門戶風格，係向當年《新線上遊戲地帶》(Sunzonehk) 致敬；本站與該站及其營運者並無任何關係，亦唔代表任何遊戲開發者。

本站唔收錢、唔賣廣告、唔設會員制、唔會喺遊戲頁面加自己嘅 frame 或改動遊戲內容。

二、遊戲版權

名單上所有遊戲都唔係本站原創，亦唔由本站托管。遊戲本身、美術、音樂、角色、商標，版權全部屬原作者或開發團隊。

本站只做三件事：

  1. 記錄遊戲名稱同連結；
  2. 用一張縮圖做預覽（多數取自對方網站自己公開嘅分享圖 `og:image`，或該遊戲嘅公開截圖）；
  3. 把訪客直接帶去原站遊玩 —— 唔會抄檔、唔會重新打包、唔會抽走作者嘅廣告或登入。

三、開發者請注意：唔想被收錄？

如果你係遊戲作者，而唔想你嘅作品出現喺呢個名單，只要通知一聲，本站會無條件、無需理由即刻移除（連縮圖一齊刪），並且唔會再收錄。

相反，如果你鍾意呢度有多啲人玩到你嘅作品，歡迎話我知你想顯示嘅作者名同網址，我幫你加喺卡片上面，令更多人認識原創者。

聯絡方法：留言板（分類揀「遊戲投稿」），或者直接 DM 站長。

四、本站原創部分

除咗上面講嘅第三方內容，本站自己寫嘅文字、版面同程式碼，版權屬站長所有。想轉載、引用、或者拿個版面去改，講聲就得，唔會為難。

字體用 Google Fonts 嘅 DotGothic16（SIL Open Font License），可自由使用。

五、留言板

留言係網友自己寫嘅，唔代表本站立場。本站會刪走任何違法、騷擾、仇恨、色情、廣告洗板或含有他人個人資料嘅留言，唔會事先通知。

留言免帳號、免登記。請唔好貼自己或他人嘅真實個人資料（全名、電話、地址、學校班別等）。

七、免責

本站提供嘅連結都指向第三方網站，該等網站嘅內容、可用性同安全性唔由本站控制，亦唔負責。玩任何遊戲前請自行判斷。

本站會盡力保持資料準確，但不保證所有連結長期有效；遊戲下架、改名或改網址，本站可能未及更新。發現死 link 歡迎通知。